ДАВОЛАШ ФАКУЛЬТЕТИДА “БИРИНЧИ КУРС МАКТАБИ” ТАБИРЛАРИ ДОИРАСИДА “ОРЗУЛАР КЕМАСИ” МАВЗУСИДАГИ ТРЕНИНГЛАР БОШЛАНДИ
Жумладан, 9 – 10 октябрь кунлари Тошкент тиббиёт академияси даволаш факультетининг биринчи босқичга тавсия этилган талабаларини академиядаги мавжуд шарт-шароитларга кўниктириш, мослаштириш жараёнини самарали ташкил этиш бўйича “Биринчи курс мактаби” тадбирлари ташкил этилди.
Тадбирда Тошкент тиббиёт академияси ректори Л. Н. Туйчиев, ёшлар билан ишлаш бўйича проректор Т. А. Бобомуратов, ўқув бўлими бошлиғи Ш. Ш. Массавиров, даволаш факультети декан ўринбосарлари Б. К. Нормуродов, Ж. М. Ахмедов, Н. Ш. Ниёзова, И. С. Саттаров, Ё. Б. Гулямов, А. Ж. Нуруллаев, бош мураббийлар, гуруҳ мураббийлари ва кафедралар профессор ўқитувчилари иштирок этдилар. Тадбир давомида талабаларга Академиянинг структураси, тарихи, факультетлари ва жамоаси таништирилиб, ТТАнинг ички тартиб-қоидалари, ахлоқ одоб нормалари шунингдек, степендия таъминоти, тўлов контракт тизими тўғрисида батафсил маълумотлар берилди. Талабаларга академияда яратилган ўароитлар ва улардан самарали фойдаланиш йўналишлари кенг тушунтирилди, Беш ташаббус доирасида яратилган шароитларга алоҳида тўхталиб ўтилди. Талабалар ўзларини қизиқтирган барча саволларига жавоблар олдилар.
Талабаларни академиядаги мавжуд шарт-шароитларга кўниктириш, мослаштириш жараёни 12 октярбрдан машғулотлар белгиланган кафедраларда давом эттирилади.
